Ինչպես Aysor-ի հետ զրույցում հայտնեց Շենգավիթ համայնքի 11/28 ընտրատեղամասի հանձնաժողովի նախագահ Արա Գալստյանը` տեղամասում մինչ ժամը 15:00-ը գրանցվել է միայն մեկ միջադեպ: Նրա խոսքերի համաձայն` ընտրատեղամաս է մտել «Տարեգիր» թերթի լրագրող Գայանե Առուստամյանը և առանց թույլտվության փորձել է նկարել ընտրողներից մեկի քվեարկություն կատարելը:
Ա. Գալստյանը նշեց, որ լրագրողին զգուշացրել են իր կատարած իրավախախտման մասին, և ընտրություններն այս տեղամասում շարունակվել են խաղաղ ընթանալ:
Տեղեկացնենք, որ Շենգավիթ համայնքի 11/28 ընտրատեղամասում ժամը 15:10-ի դրությամբ ընտրություն արդեն կատարել էր 1000 ընտրող:
Նշենք նաև, որ Շենգավիթ համայնքի 11/28 և 11/27 ընտրատեղամասերը գտնվում են միևնույն դպրոցում:
Թիվ 11/27 տեղամասում ժամը 15:10-ի դրությամբ ընտրություն կատարել էր 800 քաղաքացի: Այս տեղամասում որևէ միջադեպ և ընտրախախտում տեղի չի ունեցել:
31.05.2009, 15:36
No comments:
Post a Comment