«Օրենքով ամրագրված դրույթները չեն կատարվում և մենք կանգնում ենք փաստի առաջ»,- ԱԺ այսօրվա նիստի ընթացքում իր ելույթը պատգամավոր Սուքիաս Ավետիսյանը նվիրեց «հաշմանդամների իրավունքների ոտնահարման խնդիրներին»:
Մինչ հայտարարության տեքստը կարդալը, պատգամավորը տեղեկացրեց, որ այսօր մասնակցել է հաշմանդամների խնդիրներին վերաբերող կլոր սեղան-քննարկման: Իսկ բուն ելույթը Ս. Ավետիսյանը կառուցել էր օրենսդրական այն կետերի շուրջ, որոնցով սահմանվում են հաշմանդամների իրավունքների պաշտպանությունը, «որոնք, սակայն, չեն իրականացվում»:
«Մի քանի միլիոն դոլար արժողությամբ շենքեր են կառուցվում, կառուցվել և վերանորոգվել, սակայն այդ կառույցներում հաշվի չեն առնվել հաշմանդամների իրավունքների հետ կապված օրենքները»,- հայտնեց Ս. Ավետիսյանը, այնուհետև ընթերցեց այն օրենքները, որոնցով ամրագրված են այդ իրավունքները:
«Կարծում եմ, որ սա պետք է բոլորիս ուշադրության կենտրոնում լինի, և մեր հանձնաժողովն ավելի շատ ուշադրություն կհատկացնի նման հարցերն»,- ավարտեց ԱԺ պետաիրավական հարցերի մշտական հանձնաժողովի անդամ Ս. Ավետիսյանը:
19.05.2009, 20:33
No comments:
Post a Comment