«Լավագույն ելքերից մեկը համաներումն է, և եթե այժմ ՀՀ նախագահն այդ կամքը դրսևորում է, մենք ողջունում ենք»,- հայտարարեց ՀՅԴ խմբակցության պատգամավոր Արծվիկ Մինասյանը:
Ա. Մինասյանը հիշեցրեց, որ իր կուսակիցները, ինչպես նաև անձամբ ինքը, բազմիցս հորդորել են համաներում կիրառել: Նա նույնիսկ նշեց, որ «հարկավոր էր դա ավելի վաղ անել»:
Նշենք, որ երեկ ԱԺ նախագահ Հովիկ Աբրահամյանը հայտարարել էր, որ ՀՀ նախագահ Սերժ Սարգսյանը պատրաստվում է Անկախության ազգային տոնի առթիվ` մայիսի 28-ին «Մարտի 1»-ի գործով կալանավորվածների նկատմամբ համաներում հայտարարել:
Ա. Մինասյանը նշեց, որ «համաներումը հնարավորություն կտա թեթևություն մտցնել առկա լարված քաղաքական իրավիճակում»: Միևնույն ժամանակ նա հույս հայտնեց, որ համաներումը «չի լինի լոկալ բնույթի»:
ԱԺ պատգամավորի խոսքերով, համաներումը խոչընդոտ չպետք է հանդիսանա, որպեսզի բացահայտվեն մարտի 1-ի սպանությունների դեպքերն ու մեղավորները պատժվեն:
22.05.2009, 18:54
No comments:
Post a Comment