«Ընտրարշավը նոր է սկսվել: Թույլ տվեք մեզ` ծավալել մեր գործունեությունը և կտեսնեք, որ բոլոր խնդիրներից էլ մենք կխոսենք»,- հայտարարեց ՀԱԿ համակարգող Լևոն Զուրաբյանը` խոսելով նախընտրական քարոզարշավի մասին:
Լ. Զուրաբյանը տեղեկացրեց, որ ՀԱԿ-ի ծրագիրը կազմված է երկու մասից` քաղաքական գործունեության ծրագիր և Երևանի զարգացման ծրագիր:
«Այդ ամենը հրապարակվելու է և Երևանի բնակչությունը կտեսնի, որ մենք ունենք Երևանի քաղաքապետի լիազորությունների իրականացման հետ կապված լրջագույն ծրագիր»,- ասաց ՀԱԿ համակարգողը:
Նա անդրադարձավ նաև ՀԱԿ գլխավոր կարգախոսին` «Փոխենք Հայաստանը` սկսենք Երևանից», և նշեց, որ «իրենց կարևոր նպատակը ամբողջ քաղաքական համակարգի առողջացումն է»:
«Մեր ծրագրի առաջին մասն ուղղված է ամբողջ քաղաքական համակարգի առողջացմանը, քանի որ օազիս ստեղծել Երևանում հնարավոր չէ»,- մանրամասնեց Լ. Զուրաբյանը:
05.05.2009, 16:50
No comments:
Post a Comment