«Արցախյան հիմնահարցի` տարբեր միջազգային ատյաններում ներկայացվածության աստիճանի առումով, ունենք մի նկարագիր, որը պետք է արձանագրենք որպես` տխուր մի իրողություն. հիմնահարցի ներկայացումը խեղված է»,- հայտարարեց «Ժառանգություն» խմբակցության պատգամավոր Լարիսա Ալավերդյանը:
Լ. Ալավերդյանի խոսքերով, ԱԺ-ի առաջ կանգնած է Արցախյան հիմնահարցը հավուր պատշաճի ներկայացնելու խնդիր: Նա նշեց, որ ԱԺ նախագահին դիմել է հորդորել ՀՀ նախագահին` սատարելու Արցախյան հարցի ներկայացման գործընթացին:
Լ. Ալավերդյանը տեղեկացրեց նաև, որ կոչ է արել ԱԺ նախագահին, ԱԺ խմբակցությունների ղեկավարներին կազմակերպել քննարկումներ Արցախյան հիմնահարցի շուրջ ստեղծված զարգացումների մասին: Նա նաև հայտնեց, որ մինչ օրս չի ստացել որևէ արձագանք:
«Ժառանգություն» խմբակցության պատգամավորի կարծիքով, անհրաժեշտ է, որ միջազգային կառույցներում Հայաստանն ունենա նաև ընդդիմադիր ներկայացուցիչներ, այն էլ ոչ թե դիտորդի, այլ հիմնական անդամի կարգավիճակով:
Լ. Ալավերդյանն իր մտավախությունները բացատրեց նրանով, որ միջազգային հանրությունն ավելի շատ ուշադրություն է դարձնում պետությունների արտաքին գործերին, քան ներքին զարգացումներին:
22.05.2009, 19:08
No comments:
Post a Comment