Տեղեկացնենք, որ «Թանգարանների գիշեր» նախագիծը սկիզբ է առել 1999 թ-ի` գարնանային որևէ կիրակի օր ֆրանսիական թանգարանում հասարակության համար անվճար «բաց դռների» օր հայտարարելու, Ֆրանսիայի մշակույթի նախարարության առաջարկով:
Ինչպես նշեց Գ. Գյուրջյանը, Հայաստանն արդեն 5-րդ տարին է միանում աշխարհի շուրջ 40 երկրների հազարավոր թանգարանների միաժամանակյա ակցիային: Մայիսի 16-ին «Թանգարանի գիշերին» մասնակցող Հանրապետության 23 թանգարաններում կանցկացվի 48 ինքնատիպ միջոցառում ու ցուցադրություն:
«Ամեն տարի թանգարանները սեփական նախաձեռնություններով են հանդես գալիս: Այս տարի ստեղծվել է նաև ծրագրերի ցանկ, որպեսզի ցանկացողները կարողանան մասնակցել թվով ավելի շատ միջոցառումների», - մանրամասնեց Գ. Գյուրջյանը:
Գ. Գյուրջյանը նշեց նաև, որ միջոցառումներին սատարում է Եվրոպայի խորհուրդը, որն այս տարի նշում է իր ստեղծման 60-ամյակը: Մայիսի 16-ին մինչև կեսգիշեր ԵԽ-ն իր գլխավոր մասնաշենքի` Ստրասբուրգում գտնվող «Եվրոպայի պալատի» դռները կբացի հասարակության առջև և կներկայացնի 60 տարիների ընթացքում անդամ երկրների կողմից ԵԽ-ին` որպես նվիրատվություններ մատուցած արվեստի նմուշները:
Մշակույթի փոխնախարարը անդրադարձավ նաև միջոցառումների այցելուների թվի տարեց տարի ավելացմանը, որը «ԵԽ-ում մեր մշակութային պահվածքի գրավականներից մեկն է հանդիսանում»: Նա տեղեկացրեց, որ պայմանավորվածություններ են հաստատվել Երևանի քաղաքապետարանի հետ, որպեսզի մայիսի 16-ին մինչ ուշ գիշեր գործեն քաղաքի տրանսպորտային միջոցները` այցելուներին սպասարկելու համար:
15.05.2009, 15:29
No comments:
Post a Comment