«Ես ծանոթանում եմ այն ամենին, ինչ ներկայացված է շուկայում երեխաների համար` սկսած հագուստից, կոսմետիկայից, սննդից, զանազան մշակութային հիմնարկություներից: Միանգամից տեղեկատվություն եմ ստանում և ընտրություն եմ կատարում»,- Aysor-ի հետ զրույցում հայտնեց երիտասարդ մի մայր, ով իր երեխայի հետ շրջում էր «Մանկության աշխարհ EXPO 2009» խորագրով երրորդ միջազգային մասնագիտացված ցուցահանդեսում ներկայացված բազմաթիվ ընկերությունների տաղավարներով:
Տեղեկացնենք, որ «Մանկության աշխարհ EXPO 2009» ցուցահանդեսը մեկնարկել է այսօր` Մոսկվայի տանը: Այն համարվում է մասնագիտական ցուցահանդես` երեխաների և դպրոցականների համար, որի նպատակն է տվյալ ոլորտի զարգացումը, բարձրակարգ արտադրողների և մասնագետների ներգրավումը, երեխաների համար նախատեսված ապրանքների տեսականիով հայաստանյան շուկայի հարստացումը:
Ցուցահանդեսը կազմակերպվել է ՀՀ աշխատանքի և սոցիալական հարցերի, ՀՀ էկոնոմիկայի նախարարությունների, ՀՀ ԱԺ կրթության, գիտության, մշակույթի, երիտասարդության և սպորտի հարցրերի մշտական հանձնաժողովի և Հայաստանի արդյունաբերողների և գործարարների միության աջակցությամբ:
Ցուցահանդեսին ներկայացված են մանկական կենցաղային իրեր, սնունդ, բժշկական միջոցներ արտադրող ընկերությունները, ինչպես նաև այն ընկերությունները, որոնք զբաղվում են երեխաների ուսուցմամբ և կրթությամբ, հանգստով և զբոսաշրջությամբ և ֆիանանսական ծառայություններ են մատուցում երեխաների համար:
Ցուցահանդեսին մասնակցում են նաև 4 մանկատուն` Հայաստանի տարբեր մարզերից: Մանկատների երեխաները կներկայացնեն իրենց ձեռքի աշխատանքները:
Ինչպես մեր թղթակցի հետ զրույցում նշեց 5-ամյա Մարին` նրան ամենաշատը ներկայացված իրերից դուր են գալիս փուչիկներն ու մանկական պայուսակները:
Տեղեկացնենք նաև, որ ցուցահանդեսը տևելու է մինչև հունիսի 1-ը: Այն ուղեկցվելու է մշակութային ծրագրով, որի ընթացքում հանդես կգան մանկապատանեկան երգի և պարի համույթներ, ինչպես նաև կանցկացվեն զանազան մրցույթներ:
29.05.2009, 13:16
No comments:
Post a Comment