Արշակն ու Մարիաննան, ովքեր պատրաստվում են շուտով ամուսնանալ, ողջունեցին «Մարիոթ» հյուրանոցում կազմակերպված «Հարսանեկան հանդիսություն» միջոցառումը, որտեղ Երևանում գործող տարբեր կազմակերպություններ ներկայացնում են հարսանեկան հանդիսությունների ժամանակ իրենց կողմից մատուցվող տարատեսակ ծառայություները:
Տեղեկացնենք, որ առանձին տաղավարներում մասնակից կազմակերպությունները ներկայացնում էին ինչպես հարսանեկան զգեստներ, զարդարված ափսեներ ու բաժակներ, զարդեր, տարբեր աքսեսուարներ, այնպես էլ դիմահարդարման և վարսահարդարման ծառայություններ:
Ինչպես Aysor-ի հետ զրույցում ասաց Արշակը, այս միջոցառումը և´ կրճատում է այն ժամանակը, որը ծախսվելու էր համապատասխան կազմակերպությունն ընտրելու համար, և´ ներկայացնում է բոլոր ծառայությունները` տեսականու ու գնային բազմազանությամբ:
«Սա շատ լավ միջոց է կազմակերպությունների հետ միանգամից ծանոթանալու և մեկ օրում ճիշտ ընտրություն կատարելու համար»,- նշեց Արշակը:
Ապագա հարսնացուն Aysor-ին հայտնեց, որ հարսանեկան զգեստ ընտրելու համար սա հիանալի առիթ է: Սակայն նշեց, որ դեռևս վերջնական որոշում չի կայացրել, քանի որ շատ են այնպիսի զգեստները, որ ինքը կցանկանար հագնել:
Տեղեկացնենք, որ երեկոյան «Հարսանեկան հանդիսություն» միջոցառման շրջանակներում տեղի է ունենալու հարսանեկան զգեստների ցուցադրություն:
16.05.2009, 15:40
No comments:
Post a Comment