«ՀՀ-ում փոխարժքը մի քանի ամիսների ընթացքում եղել է կայուն, այն չի ունեցել մակրոտնտեսական նպատակ, ներմուծումը խթանելու նպատակ, դրա գերնպատակն է եղել ֆինանսական կայունության պահպանումը»,- «Հայաստան. դիմակայելով համաշխարհային աղետին» տնտեսական ֆորումի մասնակիցներին բացատրեց Հայաստանի Կենտրոնական բանկի փոխնախագահ Վաչե Գաբրիելյանը:
Վ. Գաբրիելյանը տեղեկացրեց, որ արտարժույթի շուկայում ԿԲ-ի կողմից միջամտությունները դադարեցվել են այն ժամանակ, երբ պարզ է դարձել, որ փոխարժեքի փոփոխությունը չի կարող ազդել ֆինանսական համակարգի կայունության վրա:
Ներկա ֆինանսական ճգնաժամի հաղթահարմանն ուղղված գործողությունների շարքում, ըստ Վ. Գաբրիելյանի, ԿԲ-ն փոխարժեքի կուրսը «ամրագրելու ցանկություն չունի»: Միևնույն ժամանակ ԿԲ փոխնախագահը վստահեցնում է, որ «եթե դա չարվեր ժամանակին, այն կարող էր վտանգներ ստեղծել բանկային համակարգի կայունության համար»:
«Քանի որ ֆինանսական կայունության խնդիր` որպես այդպիսին չկա, բնականաբար, փոխարժեքի ուղղորդումները ևս այս պահին նպատակային չեն»,- ամփոփեց Վ. Գաբրիելյանը:25.05.2009, 20:10
No comments:
Post a Comment