«Յուրաքանչյուր նման արտակարգ իրավիճակ, տեխնածին վթար, տեղի է ունենում նույնիսկ ամենազարգացած և տեխնիկապես հագեցած երկրներում և յուրաքանչյուր պատահար աղետ է դառնում այն ժամանակ, երբ սկսվում են կառավարական մարմինների աշխատանքները»,- լրագրողների հետ հանդիպման ժամանակ հայտնեց ՀՀ Արտակարգ իրավիճակների նախարարության փրկարար ծառայության տնօրենի խորհրդական, գնդապետ Նիկոլայ Գրիգորյանը:
Ն. Գրիգորյանը բացատրեց, որ «տեղի է ունեցել վթար, կան զոհեր, և շատ մեծ հրդեհ էր բռնկվել, սակայն կառավարական մարմինների օպերատիվ և կազմակերպված գործողությունների շնորհիվ է, որ հաջողվել է կանխել առավել վատթարը` հաջորդ պայթյունը, որ կարող էր լինել»:
Հայաստանի փրկարար ծառայության տնօրենի խորհրդականը նշեց, որ վիրավորվածներ եղել են, բայց դրանց «մեծ մասը եղել են հրշեջ ծառայության աշխատակիցները»:
«Ամփոփելով` ասեմ, որ այս գիշեր արդեն Հայաստանի փրկարար ծառայության բոլոր ստորաբաժանումները դուրս են բերվել, հերթապահությունը հանվել է, տարածքում միայն մնացել են «Նաիրիտ» գործարանի հրաշեջ ավտոմեքենաները»,- տեղեկացրեց Ն. Գրիգորյանը:
16.05.2009, 17:01
No comments:
Post a Comment