«Հակիրճ կլինեմ, քանի որ արդեն վեց տարի է` ես խորհրդարանում եմ, և իմ գործունեությունը եղել է ձեր աչքի առջև` հրապարակային», - ասաց «Մարտի 1-2-ի իրադարձություններն ուսումնասիրող» ԱԺ ժամանակավոր հանձնաժողովի նախագահ Սամվել Նիկոյանը, ում ՀՀ ԱԺ չորրորդ գումարման հինգերորդ նստաշրջանի մայիսր 18-21-ի քառօրյայի այսօրվա նիստում Հանրապետական կուսակցությունն առաջադրեց ԱԺ նախագահի տեղակալի պաշտոնում:
Տեղեկացնենք, որ մայիսի 15-ի ՀՀԿ Գործադիր մարմնի նիստում որոշվել էր Հայաստանի ԱԺ փոխնախագահի պաշտոնում առաջադրել Սամվել Նիկոյանին:
Սամվել Նիկոյանն իր ելույթում չցանկացավ խոսել և ներկայացնել իր գործունեությունը, փոխարենը «խոստացավ պաշտոնավարման ընթացքում բարձրացնել Աժ-ի հեղինակությունը»:
«Այդ առումով, հարգելի գործընկերներ, շատ անելու բան ունենք` ԱԺ նախագահի գլխավորությամբ: Մենք ունենք բավարար գործիքներ, ուղղակի մենք պետք է կարողանանք այդ գործիքներն ամբողջությամբ և լիարժեքորեն օգտագործել», - ամփոփելով իր խոսքը` հայտնեց Ս. Նիկոյանը:
Նշենք նաև, որ ԱԺ կանոնակարգող օրենքի համաձայն` Սամվել Նիկոյանը կարող է պաշտոնավարել միաժամանակ և ԱԺ նախագահի տեղակալի պաշտոնում և ժամանակավոր հանձնաժողովի նախագահի պաշտոնում:
18.05.2009, 14:29
No comments:
Post a Comment