«Ընտրությունների արդյունքում ոչ մի քաղաքական ուժ 40 տոկոսից ավելի ձայներ դժվար թե հավաքի, և, կարծում եմ, որ կձևավորվի կոալիցիոն իշխանություն»,- հայտարարեց «Օրինաց երկիր» կուսակցության պատգամավոր Ստեփան Ասլանյանը:
Ս. Ասլանյանի կարծիքով, ՕԵԿ-ը կկարողանա հավաքել բավականաչափ ձայներ, ինչը նրանց հնարավորություն կտա մասնակցել ավագանու ձևավորմանը:
Հայ հեղափոխական դաշնակցություն խմբակցության պատգամավոր Արծվիկ Մինասյանի կարծիքով էլ, իշխանությունները «ընտրությունները տանում են պասիվացման քաղաքականություն»: Նա նշեց, որ այդպիսի քաղաքականությունը չի կարող ընդունելի լինել, և հույս հայտնեց, որ վերջին շաբաթվա ընթացքում գործընթացն ավելի կակտիվանա:
«Վստահ եմ, որ ազգային ընդդիմադիր բևեռի առումով մրցակիցներ չունենք, միևնույն ժամանակ ցանկացած քաղաքական ուժ, որը մասնակցում է ընտրություններին, մեզ համար մրցակից է»,- նշեց Ա. Մինասյանը, ով տեղեկացրեց, որ ընտրություններին մասնակցության հայտ ներկայացրած քաղաքական ուժերին ՀՅԴ-ն առաջարկել է հանդես գալ ծրագրային բանավեճով:
Ա. Մինասյանը վստահ է, որ ծրագրային բանավեճը լայն հնարավորություններ է ստեղծում ընտրությունների մասնակից կուսակցությունների համար` ներկայացնելու իրենց դիրքորոշումներն ու գաղափարները:
22.05.2009, 19:42
No comments:
Post a Comment