Այսօր առավոտյան մեկնարկեց «Հայաստան. դիմակայելով համընդհանուր աղետին» տնտեսագիտական ֆորումը, որի ընթացքում նախատեսված զեկույցների ներկայացումն ու քննարկումները շարունակվելու են մինչև օրվա վերջ:
Տեղեկացնենք, որ «Հայաստան. դիմակայելով համընդհանուր աղետին» տնտեսագիտական ֆորումը կազմակերպել է «Policy Forum Armenia» միջազգային կազմակերպությունը` Հայաստանում համաշխարհային ֆինանսատնտեսական ճգնաժամի հնարավոր ազդեցություններն ու դրա հետևանքները քննարկելու, ինչպես նաև ճգնաժամի բացասական ազդեցությունը մեղմելուն ուղղված գործողություններ նախանշելու նպատակով:
Ֆորումը նպաստելու է ֆինանսատնտեսական ճգնաժամի միջազգային և Հայաստանի առանձնահատուկ միտումների վերաբերյալ ակտիվ քննարկմանը: Այն ամփոփվելու է կլոր սեղանով, որի ընթացքում ՀՀ գործող և նախկին վարչապետները կներկայացնեն տնտեսական քաղաքականության ապագա ուղղությունները:
Ֆորումին հատուկ հրավիրված հյուրի կարգավիճակով կմասնակցեն Ռուսաստանի Կենտրոնական բանկի նախագահի նախկին առաջին տեղակալ Սերգեյ Ալեքսաշենկոն, ՌԴ ակադեմիկոս Աբել Աղանբեգյանը, Հունգարիայի ֆինանսների նախկին նախարար Լայոշ Բոկրոշը և այլոք:
25.05.2009, 10:43
No comments:
Post a Comment