«Նախընտրական գործընթացները դրական են ընթանում, և արդյունքներն էլ դրական են լինելու», - Երևանի տեղական ինքնակառավարման ընտրությունների վերաբերյալ իր կարծիքը հայտնեց ԱԺ Հանրապետական խմբակցության ղեկավար Գալուստ Սահակյանը` լրագրողների հետ ունեցած ճեպազրույցի ժամանակ:
Գ. Սահակյանը նշեց, որ նախընտրական քարոզարշավի ընթացքում «որոշ քաղաքական ուժեր պրովակացիաներ են առաջ քաշում», չնայած դրանք որևէ ազդեցություն չեն կարող ունենալ նախընտրական գործընթացների վրա: Նրա խոսքերի համաձայն` հասարակությունն ավելի ակտիվ է և ավելի ուշադիր է հետևում նախընտրական քարոզարշավին:
«Ընտրակեղծիքների մասին խոսք անգամ լինել չի կարող», - ընդգծեց Գ. Սահակյանը` անդրադառնալով ընդդիմադիր ուժերի կողմից շահարկվող ընտրակեղծիքների մասին հայտարարություններին:
Ըստ Հանրապետական խմբակցության ղեկավարի` «ընտրակեղծիքների մասին խոսում են նրանք, ովքեր ընտրակեղծիքների իրականացման առումով լուրջ պրոֆեսիոնալիզմ են ցուցաբերել 1990-1996 թ-ին ընթացքում»:
Այնուհանդերձ նա նշեց, որ ընտրատեղամասերի աշխատակիցները, ինչպես նաև քաղաքական ուժերի վստահված անձինք, բավականաչափ պատրաստ են ընտրություններին, և ընտրական հանձնաժողովներին «փորձության ճանապարհով չեն տանի»:
Գ. Սահկյանը նշեց նաև, որ Հանրապետական կուսակցությունը «հակված է հունիսի 1-ը դիմավորել` որպես Երեխաների պաշտպանության միջազգային օր»:
Ընտրակեղծիքների մասին խոսքն ամփոփելով, Գալուստ Սահակյանը մեկ անգամ ևս ընդգծեց, որ «ոչ ոք իրեն թույլ չի տա և չի համարձակվի ընտրակեղծիքների դիմել, քանի որ օրենքն իր ամբողջ խստությամբ հետևում է գործընթացին և խիստ պատիժներ կկիրառի»:
22.05.2009, 14:07
No comments:
Post a Comment