«Ես ոչ մեկիդ չեմ հավատում: Դուք ինձ խաբում եք», - Կենտրոն համայնքի 9/17 տեղամասի անկախ դիտորդի և ընտրահանձնաժողովի նախագահի հետ վիճում էր մոտ 70-ամյա մի տատիկ:
Նշենք, որ տատիկն իր ակնոցները մոռացել էր տանը և չէր կարողանում կարդալ ընտրաթեթիկի վրայի գրվածը: Նրան փորձել էր օգնել անկախ դիտորդը, որն էլ իր հերթին ակնոցները չէր բերել, իսկ հանձնաժողովի նախագահին տատիկը «չէր հավատում»:
Խուճապի մատնված տատիկը միայն հավատաց Aysor-ի թղթակցին: Նա հայտնեց իր նախընտրած թեկնածուի անունը, համոզվեց և նույնիսկ թույլ տվեց, որ իրեն օգնեն համապատասխան նշում կատարելու համար:
Ինչպես Aysor-ի հետ զրույցում նշեց հանձնաժողովի նախագահ Աիդա Ղազարյանը` մինչ այս ժամը (Aysor` 11:30) «դեռ ոչ մի միջադեպ չի գրանցվել, բոլոր ընտրողները հանգիստ գալիս, իրենց ընտրությունը կատարում են»:
Ա. Ղազարյանը տեղեկացրեց, որ տեղամասի 1 649 ընտրողներից 280-ը արդեն կատարել են իրենց ընտրությունը:
Ընտրությանը մասնակցող քաղաքական ուժերի վստահված անձիք էլ միաձայն փաստեցին, որ այս ընտրատեղամասում ոչ մի միջադեպ և ընտրախախտում դեռ չի գրանցվել:
31.05.2009, 12:14
:)))))
ReplyDelete