Այսօր մեկնարկեց Սևծովյան ավազանի երկրների անդրսահմանային համագործակցության համատեղ գործողությունների ծրագրի շրջանակներում անցկացվող ծրագրային աշխատանքների պատրաստմանը նվիրված համաժողովը, որն իրականացվում է Եվրամիության Տարածաշրջանային կարողությունների ձևավորման նախաձեռնության (RCBI) կողմից` ՀՀ էկոնոմիկայի նախարարության աջակցությամբ:
Համաժողովին, որն անցկացվում է այսօր Եևանում և վաղը Վանաձորում, մասնակցում են հասարակական կազմակերպությունների և մարզպետարանների ներկայացուցիչներ:
Մասնակիցներին փորձագետները ներկայացնում են Սևծովյան ավազանի երկրների անդրսահմանային համագործակցության համատեղ գործողությունների ծրագիրը, բացատրում են առաջարկություններ ներկայացնելու կանոնները, հայտերի ձևերը, դրա լրացման կարգը, մասնակից երկրներում գործընկերներ գտնելու հնարավոր եղանակները:
Նշենք, որ համաժողովին ներկա էր նաև ՀՀ էկոնոմիկայի նախարարի տեղակալ Վահե Դանիելյանը:
Ծրագրերը կարող են լինել համատեղ և պետք է համապատասխանեն հետևյալ ձևերից մեկին.
• Փոխկապակցված ծրագրեր, երբ գործընկերները ներդրում են կատարում ծրագրի` մասնակից երկրներում իրականացվող տարբեր բաղադրիչներում,
• Համաչափ ծրագրեր, երբ մասնակից բոլոր երկրներում կատարվում են նույն գործողությունները,
• Ծրագրեր, որոնք մեծ մասամբ կամ բացառապես իրականացվում են մեկ գործընկեր երկրում, սակայն դրանից շահում են բոլոր գործընկերները:
29.05.2009, 12:11
No comments:
Post a Comment