«Ընտրարշավի ժամանակ ընտրությունների նկատմամբ հետաքրքրությունն աճել է ընդամենը 5 տոկոսով և ազդել է 4.5 տոկոսի որոշման վրա», - հայտարարեց «Սոցիոմետր» սոցիոլոգիական կենտրոնի ղեկավար Ահարոն Ադիբեկյանը:
Ա. Ադիբեկյանի խոսքերով` սա վկայում է, որ մասնագետների ելույթները, լրագրողների տպագրությունները «չեն ձևավորում այնպիսի հասարակական կարծիք, որ ընտրությունների վարքագծի մեջ արմատական փոփոխություններ լինեն»: Նրա կարծիքով, այն մարդիկ, ովքեր դեռ չեն կայացրել որոշում, հիմնականում «լսում են իրենց հարևան-բարևեկամին, և նրանցից շատ քչերը` մասնագետներին, ավելի քիչ մասը` թերթերին»:
«Ես շատ ցավում եմ, որ մեր առաջատար քաղաքական կուսակցությունների կազմի մեջ չկան սոցիալ-հոգեբաններ, որոնք կկարողնանան ճիշտ կողմնորոշել, ճիշտ խորհուրդներ տալ` ճիշտ ելույթներ ունենալու համար», - հայտնեց Ա. Ադիբեկյանը:
Սոցիոլոգն ընդգծեց, որ նույն միտքը տարբեր բառակապակցություններով, բաղաձայների որոշակի թվով արտասանելու դեպքում կարող է ենթագիտակցաբար փոփոխություններ բերել, ինչն այսօր չի կիրառվում:
Ա. Ադիբեկյանն անդրադարձավ նաև ընտրությունների արդյունքների վրա կաշառքի ազդեցության չափին: Նա նշեց, որ կաշառքն առավելագույնս կարող է ավելացնել 10 տոկոս ձայն:
«Այն էլ 10 հոգուն կաշառելու և ցանկալի արդյունք ունենալու համար անհրաժեշտ է ամենաքիչը 30 հոգու կաշառել, քանի որ կաշառվողներից մեկն այդ փողերով տանը նստած խորոված է ուտում, մյուսը գնում է իր գործերով, և միայն մեկն է գնում ընտրության»,- բացատրեց Ա. Ադիբեկյանը:
28.05.2009, 14:43
No comments:
Post a Comment