Երեկ Երևանի Աջափնյակ համայնքում ընդհանրում է տեղի ունեցել Երևանի տեղական ինքնակառավարման մարմինների ընտրություններին մասնակցող Հայաստանի Հանրապետական և «Բարգավաճ Հայաստան» կուսակցությունների նախընտրական շտաբերի աշխատակիցների միջև: Այսօր ԱԺ-ում նշված կուսակցությունների անդամները չցանկացան «քաղաքական» բացատրություններ տալ:
«Նման միջադեպ էլի է տեղի ունեցել, բայց զուտ անձնական հողի վրա: Սա քաղաքական հողի վրա կատարված կռիվ չէ, քանի որ Աջափնյակում ՀՀԿ-ականներն ու ԲՀԿ-ականները լավ հարևաններ են», - վստահեցրեց Հանրապետական խմբակցության պատգամավոր Արամ Սահակյանը:
Դեպքը «չքաղաքականացնելու» հորդոր արեց նաև «Բարգավաճ Հայաստան» խմբակցության պատգամավոր Նաիրա Զոհրաբյանը: Նա դատապարտեց կատարվածը և տեղեկացրեց, որ «իրենց շտաբի անդամներին զգուշացված է սադրանքներին չենթարկվել»:
«Մեր երկու կուսակցությունների միջև թշնամություն չկա», - ընդգծեց Ն. Զոհրաբյանը:
ԲՀԿ պատգամավորը նշեց նաև, որ «սովորաբար նման միջադեպեր տեղի են ունենում շտաբերի ներկայացուցիչների մակարդակով»:
«Նույնիսկ այդ դեպքում, ԲՀԿ-ն երբեք նախահարձակ չի կատարում», - իր խոսքն ամփոփելով, հայտնեց Ն. Զոհրաբյանը:
ԱՅՍՕՐ, 14:04
No comments:
Post a Comment