«Սա մի շատ հետաքրքիր ծրագիր է, որը համախմբում է մեր բոլոր աշխատանքները` երկրի ինստիտուցիոնալ ռեֆորմների հետ կապված, և ուղղված է ոչ առևտրային կազմակերպություններին, գիտական համակարգերին, հասարակական կազմակերպություններին, հիմնադրամներին, բոլոր այն կառույցներին, որոնք կանգնած են հասարակության և պետության միջև», - հայտարարեց ՀՀ էկոնոմիակայի նախարարի տեղակալ Վահե Դանիելյանը` Սևծովյան ավազանի երկրների անդրսահմանային համագործակցության համատեղ գործողությունների ծրագրի շրջանակներում անցկացվող` ծրագրային աշխատանքների պատրաստմանը նվիրված համաժողովի բացման իր խոսքում:
Վ. Դանիելյանը ներկաներին հիշեցրեց, որ սա առաջին հանդիպումը չէ Սևծովյան ավազանի երկրների անդրսահմանային համագործակցության ծրագրի ներքո: Մինչ այս եղել են ևս երեք հանդիպումներ Հայաստանի շրջանային ղեկավարների և ոչ առևտրային ընկերությունների համար:
«Այս անգամ, մենք աշխատանքային մակարդակով ասելիքներ ունենք և ներկայացնելու ենք այն փաթեթները, որից հետո մենք կհայտարարենք մեկնարկն ու առաջին առաջարկությունների ներկայացումը», - հայտնեց նախարարի տեղակալը:
Վ. Դանիելյանը կարևորեց այն, որ ծրագիրը հնարավորություն է տալիս շրջանային համագործակցության` Հայաստանի շրջանների և Սևծովյան համագործակցության երկրների միջև:
Նա նշեց, որ Հայստանը մի քանի երկրների հետ արտահայտում է կոշտ դրքորոշում` պնդելով, որ այս ծրագիրը «պետք է մնա ոչ առևտրային կազմակերպությունների ծրագիր, ռեգիոնալ մակարդակով համագործակցության ծրագիր, որի արդյունքները շատ ավելի արդյունավետ են, քան ուղղակի խնդիրները»:
Ամփոփելով իր ելույթը` Վ. Դանիելյանը կոչ արեց մասնակիցներին մաքսիմալ օգտագործել իրենց տրամադրված ժամանակը, մանրամասն ծանոթանալ փաստաթղթի բոլոր խնդիրներին, բոլոր մանրամասներին:
Նա ընդգծեց, որ էկոնոմիակայի նախարարությունը և Կառավարությունը հետաքրքրված են, որ ծրագիրը լինի արդյունվաետ, և մասնակից հասարակական կազմակերպություները բաժին ունենան ծրագիր տրամադրվող բյուջեում:
29.05.2009, 13:08
No comments:
Post a Comment