«Եթե ես ասեմ, որ մենք Ջավախքում խնդիրներ չունենք, ես ինքն ինձ կեղծած կլինեմ: Ցավոք սրտի, մեր բարեկամ երկրի հետ մեր հարաբերությունները բազում դրական կողմերի հետ ունեն Ջավախքյան խնդիր»: Այս կարծիքին է ԱԺ Առողջապահության, մայրության և մանկության հարցրեի մշտական հանձնաժողովի փոխնախագահ Մկրտիչ Մինսայանը, ով լրագրողների հետ հանդիպման ժամանակ անդրադարձավ նաև Վրաստանի նախագահ Միխայիլ Սահակաշվիլու Հայաստան կատարած այցին:
Մ. Մինասյանը խոսեց մասնավորապես «Արմենիա-Մարիոթ» հյուրանոցի մոտ տեղի ունեցած բողոքի ցույցի մասին, որը կազմակերպել էին ջավախքահայերը: Նա բողոքի նման ձևն «անընդունելի համարեց, քանի որ այն չի բխում մեր հայկական հյուրասեր մտածողությունից»:
Նշենք, որ Մ. Սահակաշվիլին օթևանում էր հենց այդ հյուրանոցում: Հյուրանոցի մոտ հավաքվածները պահանջում էին, որ Վրաստանի նախագահը լուծի Ջավախքում առկա մի շարք խնդիրներ:
«Այն, որ Ջավախքի խնդիրը պետք է բարձրաձայնվեր` միանշանակ է, սակայն ձևն այլ պետք է լիներ: Պետք է այդ հյուրը հեռուստացույցով տեսներ, որ Հայաստանում կան քաղաքական գործիչներ, ովքեր բարձրաձայնում են ջավախքահայության խնդիրները»,- բացատրեց Մ. Մինասյանը:
26.06.2009, 20:06
No comments:
Post a Comment