«Ոսկե ծիրան» միջազգային կինոփառատոնի «Միջազգային խաղարկային» ֆիլմերի ժյուրի նախագահ, ճապոնացի աշխարհահռչակ ռեժիսոր Կոհեյ Օգուրին այսօր լրագրողների հետ ճեպազրույցի ժամանակ հայտնեց, որ ինքն առաջին անգամ է Հայաստանում:
«Գիտեի միայն, որ Հարավային Կովկասի և Սև ծովի արանքում մի փոքրիկ երկիր կա, բայց երբ իմացա, որ այն Սիկոկու կղզու չափ է, իսկ բնակչությունը 3 միլիոնի չափ, զարմացա»,- պատմեց Կ. Օգուրին:
Տեղեկացնենք, որ «Ոսկե ծիրան» կինոփառատոնին ներկայացված է ռեժիսորի 1990 թ-ին նկարահանած «Մահվան խայծը» ֆիլմը:
Ինչ վերաբերում է կինոփառատոնին, Կ. Օգուրիի կարծիքով, «այսպիսի փոքրիկ երկրի համար կինոփառատոն կազմակերպելը շատ դժվար, բայց շատ արժանի գործ է»: Նա նշեց, որ ուրախ է, որ երիտասարդներն են շատ այս փառատոնում:
Ճապոնացի կինոռեժիսորը խոստովանեց, որ հայկական կինոյից իրեն ծանոթ է միայն Փարաջանովը. «Ուրիշ ոչ մեկի չգիտեմ»:
13.07.2009, 18:21
No comments:
Post a Comment