Wednesday, April 8, 2009

«Ցույցի իրավունքը համամարդկային իրավունք է …»

«Մենք հանդիպել ենք նաև մարտի 1-ի իրադարձություններից հետո ձերբակալվածների հետ, ինչը հաջողվել է առանց խոչընդոտների: Նրանց մենք հանդիպել ենք, որպեսզի իրենցից լսենք մարտի 1-ի իրադարձությունների վերաբերյալ բացատրություններ, փորձել ենք իմանալ, թե ինչպե՞ս է ընթանում դատավարությունը»,- լրագրողների հետ հանդիպման ժամանակ տեղեկացրեց Մարի Անն Իզլեր Բեգենը:

Մարի Անն Իզլեր Բեգենը նշեց, որ ամեն անգամ` Հայաստան գալիս, պատվիրակությունը բազմաթիվ հարցեր է քննարկում` այդ թվում ազատազրկման վայրերի և բանտարկյալների հարցերը: Համանախագահն ընդգծեց, որ իրենք չեն կարող «միջամտել դատավարության գործընթացին, միևնույն ժամանակ կարծում են, որ հարցրերը մոտ ապագայում անպայման կլուծվեն, քանի որ հայաստանյան իշխանությունները և ԵԽ-ն ամեն ինչ անում է դրանց լուծման համար»:

«Մենք պետք է դաս քաղենք մարտիմեկյան իրադարձություններից: Ես կուզեի, որպեսզի նման դեպքեր, նման ավարտով ցույցեր Հայաստանում և, առհասարակ, որևէ երկրում, չլինեին»,- հայտարարեց Մարի Անն Իզլեր Բեգենը: Իր խոսքն ավելի հասկանալի դարձնելու համար նա ընդգծեց, որ ինքը կողմնակից է խաղաղ ցույցերի և անձամբ է դրանցում մասնակցություն ունենում:

«Ես կողմ եմ, երբ ասենք, որևիցե օրենքի կամ որոշման դեմ են մարդիկ դուրս գալիս: Ցույցի իրավունքը համամարդկային իրավունք է ժողովրդավարության մեջ»,- բացատրեց Մարի Անն Իզլեր Բեգենը:

08.04.2009, 20:08

Aysor.am


1 comment:

  1. Անշուշտ հանդիպման ընթացքում լրագրողներից շատերին էր հետաքրքրում, թե ինչ է խոսել Մարի Անն Իզլեր Բեգենը բանտարկյալների հետ:
    Անշուշտ եվրոպացի համանախագահը ոչինչ չասեց:
    Ինձ ավելի շատ հետաքրքիր էր, այն հանգամանքը, որ ԵԽ պատվիրակությունն առանց խոչընդոտի հանդիպել է մարտի 1-ի հետևանքով ձերբակալվածներին, դիտվելու՞ է որպես Հայաստանի ժողովրդավարության օրինակ, թե՞ ժողովրդավարության օրինակ է համարվելու այն, ինչ ասել են բանտարկյալները:
    Ինչևէ...
    Հուսով լինենք, որ այդ մասին կվկայի ԵԽԽՎ մոնիտորինգի հանձնաժողովի ապրիլյան նստաշրջանը, որտեղ, ըստ ամենայնի, դարձյալ քննարկվելու է Հայաստանին ձայնի իրավունքից զրկել, կամ չզրկելու հարցը:

    ReplyDelete