«Քննարկումը հնարավորություն կընձեռի բոլորիս հնարավորինս քիչ կորոստներով դուրս գալ ճգնաժամից: Հանդիպումն, ըստ իս, անցավ շատ թեժ, բայց գործնական: Արդյունքում ճշգրտվեցին մեր երկրի առաջ ծառացած խնդիրները, և ես համոզված եմ, որ գալիս է ավելի պատասխանատու մի փուլ, երբ բոլոր հռետորների ելույթների առանցքային գործնական և կառուցողական մոտեցումները տեղ կգտնեն մեր կառավարության հակաճգնաժամային ծրագրերի վերախմբագրման գործում»,- հայտնեց «Ազգային միաբանություն» կուսակցության ղեկավար Արտաշես Գեղամյանը` ՀՀ նախագահի և Հայաստանի քաղաքական կուսակցությունների ղեկավարների հանդիպումից հետո: Նա նշեց նաև, որ «բավարաված է այսօրվա քննարկումներից և, որ ամենկարևորն է, անշահախնդիր քննարկումներ անցկացնելու ձևավորված մթոնլորտ էր»:
Փաստելով, որ նման հանդիպումներն արդյունավետ են, Ա. Գեղամյանը` որպես ապացույց, հիշեցրեց, որ քննարկումներն ընթացել են առավոտյան 11:30-ից մինչև 16:00-ն և, եթե արդյունավետ չլիներ, հնարավոր չէր լինի դիմանալ, գործնական քննարկում ծավալել, լսել բոլոր ելույթները:
Ա. Գեղամյանն անդրադարձավ նաև նախագահի հրավերը մերժած կուսակցությունների արարքին` ասելով, որ նրան «խորթ ու անհասկանալի է, որ առանձին մեր գործընկներ, չգիտես` ինչու՞, անտեսեցին այս հույժ կարևոր հանդիպումը»:
«Մեր հայրենիքը հիվանդ է ֆինանսատնտսական ճգնաժամով, և եթե դու այդ հիվանդությունը մեղեմլու դեղամիջոցն ունես և լռում ես, ես դա չեմ հասկանում: Սա այն հրապարակն էր, որտեղ կարելի էր գալ, ամենսուր հիմանավոր հարցադրումներով հանդես գալ, որից հետո նոր եզրակցություն անել` արժի՞ հույս կապել այս իշխանության, կառավարության հետ, թե՞ ոչ»,- ընդգծեց Ա. Գեղամյանը և հավելեց. «Միայն այն, որ կառավարությունը պատրաստ է լսել այլակարծություն, պատարստ է դրա շուրջ գործնական քննարկում ծավալել` գոնե այս փուլում, ինձ օպտիմիզմ է հաղորդում»:
20.03.2009, 20:15
No comments:
Post a Comment