«Միշտ էլ կրթության ոլորտում կանանց թիվը մեծ է եղել: Վերջին 20 տարիներին, հաշվի առնելով ընդհանուր սոցիալ-տնտեսական իրավիճակը, տղամարդկանց թիվն ավելի քչացավ»,- կարծում է ՀՀ Կրթության և գիտության նախարար Սպարտակ Սերյանյանը, ով Aysor.am-ի հետ զրույցում փորձեց բացատրել, թե ինչո՞վ է պայմանավորված կրթության ոլորտում կանանց թվի գերակշռումը: «Երևի տրամաբանական էլ է, որ դաստիարակության խնդիրներով կանանց դերակատարումը պետք է մեծ լինի, որովհետև դպրոցում միայն գիտելիք չէ, որ տալիս են, դպրոցն այլ արժեքներ էլ է ներարկում, և այստեղ կանանց դերակատարումը անուրանալի է»,- ասաց նախարարը:
Հիշեցնենք, որ այսօր ՀՀ ԿԳ նախարար Սպարտակ Սերյանյանը ոլորտի մի շարք մասնագետների պարգևատրեց ԿԳՆ պատվոգրերով և շնորհակալագրերով:
Aysor.am-ի այն հարցին, թե ինչպիսի՞ խնդիրներ ունեն կրթության և գիտության ոլորտում աշխատող կանայք, նախարարը պատասխանեց. «Չեմ կարծում, որ կին մանկավարժների հիմնախնդիրները տարբերվում են այլ ոլորտի կանանց խնդիրներից: Դա նախ և առաջ ընտանիքի, տան խնդիրենրն են: Հուսամ, որ Կրթության և գիտության նախարարությունն էլ այնքան չի ծանրաբեռնում կանանց, որ իրենք իրենց ընտանեկան գործերը չհասցնեն կատարել»:
Ս. Սեյրանյանի խոսքերով, ԿԳ նախարարությանը հաջողվում է լուծել ոլորտի խնդիրները, և ոլորտը «լուրջ խնդիրներ, բարեբախտաբար, չունի»:
Կրթության և գիտության ոլորտը ժամանակակից տեխնոլոգիաներով հագեցնելու խնդրի մասին խոսելիս` նախարարը ցավով նշեց, որ «համակարգի` ժամանակակից տեխնիկայով հագեցվածությունն այն չէ, ինչ ես կցանկանայի»:
«Բայց, բարեբախտաբար, վերջին 10 տարվա ընթացքում սկսվել է ոլորտը ժամանակակից տեխնիկայով հագեցնելու գործընթաց, որը որոշակի հաջողություններ է արձանագրել»,- տեղեկացրեց ԿԳ նախարարը և հավաստիացրեց. «Առաջիկայում մենք կունենանք այլ խնդիր` նոր տեխնիկական միջոցներով հագեցված դպրոցներում նոր տոխնոլոգիաներով կրթական գործընթաց կազմակերպող համապատասխան կադրերի պատրաստման և վերապատրաստման խնդիր»:
09.03.2009, 19:01
No comments:
Post a Comment