«Ավագանու ընտրությունների արդյունքներն այդքան էլ գոհացուցիչ չեն», - ԱԺ-ում լրագրողների հետ ճեպազրույցի ժամանակ հայտնեց «Բարգավաճ Հայաստան» կուսակցության ղեկավար Գագիկ Ծառուկյանը:
Գ. Ծառուկյանի խոսքերի համաձայն` իրենք «տեր կկանգնեն ժողովրդի կողմից ստացած ձայներին»: Նա հայտնեց նաև, որ ԲՀԿ-ն վարչական տարածքների ղեկավարներ չի ունենալու, քանի որ ավագանում չի ձևավորվելու կոալիցիա:
«Իրենք հաղթել են, իրենք վերցրել են, իրենք էլ պետք է պատասխան տան, կատարեն իրենց խոստումներն ու ծրագրերը, մենք էլ հետևողական կլինենք ժողովրդի փոխարեն», - մանրամասնեց ԲՀԿ ղեկավարը:
Գ. Ծառուկյանը կարծում է, որ ընտրակեղծիքներ եղել են, բայց չի պատրաստվում որևէ բան նախաձեռնել, քանի որ արդեն դատական գործընթաները սկսված են:
Հիմնական աշխատանքները, ըստ ԲՀԿ ղեկավարի, նախաձեռվելու են կուսակցության ներսում, քանի որ կուսակիցները, ովքեր եղել են հանձնաժողովի անդամներ, վստահված անձիք, սխալներ են թույլ տվել:
«Մենք ինչքան ձայներ ստացել ենք, գոհ ենք դրանցից, քանի որ մենք միայնակ պետական լծակի դեմ էինք պայքարում», - հայտնեց Գ. Ծառուկյանը:
09.06.2009, 13:01
No comments:
Post a Comment