Այսօրվա նիստում ՀՀ Ազգային ժողովը քվեարկության ներկայացրեց նախորդ օրվա նիստում քննարկված 6 օրինագծեր ու օրինագծերի փաթեթներ և մեկ որոշման նախագիծ: Քվեարկության դրված բոլոր հարցերն էլ ընդունվեցին պատգամավորների մեծամասնության կողմից:
Հարկ է առանձնացնել, որ ՀՀ ԱԺ-ն միաձայն ընդունեց ԱԺ փոխնախագահ Սամվել Նիկոյանի կողմից ներկայացված «Իրավական ակտերի մասին» և «Ազգային ժողովի կանոնակարգ» ՀՀ օրենքներում փոփոխություններ ու լրացումներ կատարելու մասին օրինագիծը: Նշենք, որ սույն փոփոխություններով սահմանվում են հատուկ միջոցներ կիրառելու կարգերը:
Միաձայն ընդունվեց նաև ՀՀ ԱԺ որոշումը` «ՀՀ Ազգային ժողովի նիստերը ՀՀ կառավարության նիստերի մեծ դահլիճում գումարելու մասին»: Սույն որոշումը պայմանավորված է ԱԺ նիստերի դահլիճում վերանորոգման աշխատանքներ իրականացնելու հանգամանքով:
29.04.2010, 15:54
No comments:
Post a Comment