«Հիրավի այսօր պատմական և խորհրդանշական արարողության ենք ներկա: Այսօր Երկրի օրն է, մենք ևս մեկ երկրի օր ունենք, որ անվանում ենք Էրգիր»,- ասաց ՀՀ Գիտությունների ազգային ակադեմիայի Ցեղասպանության թանգարան-ինստիտուտի տնօրեն Հայկ Դեմոյանը` թանգարաի հարակից այգում խորհրդանշական ծառատունկի ժամանակ:
Հիշեցնենք, որ ծառատունկը կազմակերպվել է Վայրի բնության և մշակութային արժեքների պահպանման հիմնադրամի և «ՎիվաՍել-ՄՏՍ» ընկերության կաղմից: Արևմտյան Հայաստանից բերված 95 տնկիներով թանագարանի տարածքում հիմնադրվեց «Հիշողության պուրակ»:
Նշենք նաև, որ ծառատունկը նվիրված է ոչ միայն Երկիր օրվա 40-ամյակին, այլև Հայոց ցեղասպանության 95-րդ տարելիցին:
«Այս ծառերը, որ բերվել են մեր Էրգրից` Երկրի օրվա կապակցությամբ այս արարողությանը տնկելու համար, իրենց մեջ մեծ խորհուրդ ունեն»,- ընդգծեց Հ. Դեմոյանն ու հավելեց. «Այսօր երկու հողազանգված են միանալու միմյանց, և այդ միախառնումը պատահական չէ, որովհետև երկու հողազանգվածների միախառնումից պետք է սնունդ առնի մշտադալար ծառը, որը պետք է խորհրդանշի, որ մեր պահանջն անվերջ է մեր հիշողությունն անմահ»:
22.04.2010, 14:46
No comments:
Post a Comment