«Հայաստան-Սփյուռք գործակցության կարևորագույն ուղղություններից մեկը պետք է լինի Հայոց ցեղասպանության հետևանքների վերացման շուրջ համահայկական մեկ ընդհանուր օրակարգի մշակումը, այլապես մենք դոփելու ենք տեղում, իսկ ժամանակը մեր օգտին չի աշխատում»,- հայտնեց ՀՀ Գիտությունների ազգային ակադեմիայի Ցեղասպանության թանգարան-ինստիտուտի տնօերն Հայկ Դեմոյանը:
Այս առիթով թանգարանի տնօրենը պատմեց, որ վերջերս ԱՄՆ կատարած իր գործուղումից սարսափած է վերադարձել, քանի որ ամերիկյան ինստիտուտներից մեկի Ցեղասպանության ամբիոնին ընդունելության հայտ է ներկայացրել 40 թուրք ուսանող, այդ թվում` ոչ մի ուսանող Հայաստանից:
«Սա միայն մեկ համալսարանի մեկ ամբիոնի մասին է խոսքը, որտեղ գալու են հայագիտություն ուսումնասիրեն` Ցեղասպանություն դրվագով»,- ընդգծեց Հ. Դեմոյանն ու հավելեց, որ Թուրքիայի հեռանկարը ոչ թե Հայոց ցեղասպանության ժխտողականությունն է, այլ Հայոց ցեղասպանության թեման` «իր գիտնականների քանակով միմիայն` որպես պատմական թեմա դիտարկելը»:
Հ. Դեմոյանի խոսքերով, Հայաստանն ու Սփյուռքն այս ուղղությամբ ոչինչ չի ձեռնարկում: Փոխարենը պետք է բուհերին կից ցեղասպանագիտության ամբիոններ ստեղծել, պետք է կարողանալ մեկ ընդհանուր ընկերակցություն ստեղծել` Հայոց ցեղասպանությամբ զբաղվող հայ գիտնականներին տարեկան առնվազն մեկ անգամ Երևանում կամ այլուր հավաքվելու և ճշտելու համար, թե որն է անելիքը և ինչ ուղղությամբ ընթանալ:
«Հեռանակրում` 10-15 տարվա ընթացքում, լուրջ վտանգ կա, որ Հայոց ցեղասպանության թեման կդիտարկվի միայն` որպես պատմական թեմա, իսկ թուրք գիտնակակնները, ովքեր ընդունում են Հայոց ցեղասպանությունն առանց չակերտների, կհրավիրեն մի քանի հայ գիտնականների` իրենց գիտաժողովներին մասնակցելու համար»,- ամփոփելով իր խոսքը` հայտնեց Հ. Դեմոյանը:
23.04.2010, 19:08
No comments:
Post a Comment