Նարեկացի արվեստի միությունն իր մշակութային գործունեությունն այս տարի սկսելու է հունվարի 12-ից: Ինչպես Aysor-ին հայտնեցին ՆԱՄ հասարակայնության հետ կապերի վարչությունից, հունվարի 12-ին այստեղ կազմակերպվելու է ցուցահանդես:
Գծանկարների այս ցուցահանդեսի հեղինակը Հունան Ավեիսյանն է: Ցուցահանդեսի բացումը տեղի է ունենալու 14:00-ին:
Հ. Ավետիսյանի արվեստի հետ ծանոթանալ ցանկացողներին կամ պարզապես արվեստասերներին հայտնեք, որ ցուցահանդեսը բաց կլինի մինչև հունվարի 19-ը:
Բացի այդ, առաջիկա շաբաթվա համար ՆԱՄ-ը մեկ ծրագիր ևս ունի: «Կինոնկարներ չորեքշաբթի օրերին» ծրագրի շրջանակներում հունվարի 13-ին ցուցադրվելու է «Հանդիպումներ ականավոր մարդկանց հետ» (Meetings with Remarkable Men) պատմական դրաման: 108 րոպեանոց այս ֆիլմը նկարահանվել է 1978 թ-ին Մեծ Բրիտանիայում: Ֆիլմի ռեժիսորն է Պիտեր Բրուքը, գլխավոր դերակատարներն են Գրեգուար Ասլանը և Մարտին Բենսոնը:
Տեղեկացնենք նաև, որ ֆիլմը ցուցադրվելու է հայերեն` անգլերեն ենթագրերով:
09.01.2010, 16:14
No comments:
Post a Comment