«Թուրքիան շահագրգռված է վավերացնել արձանագրությունները»,- հայտարարեց քաղաքագետ Ստեփան Գրիգորյանը:
Ըստ Ս. Գրիգորյանի, Թուրքիան նոր քաղաքականություն է որդեգրել, որը լուրջ փոփոխություներ է բերելու տարածաշրջանում: Այդ քաղաքականությունը, ըստ նրա, պայմանավորված է նրանով, որ Թուրքիան սկսել է համագործակցել Սիրիայի ու Իրանի հետ: Միևնույն ժամանակ քաղաքագետը նշեց, որ այդ քաղաքականությունը «լուրջ մարտահրավեր է ԱՄՆ-ին ու Իսրայելին, ինչը լուրջ խնդիրներ կբերի Թուրքիայի համար»:
«Թուրքիան հետ կանգնել չի կարող. բարելավելով իր հարաբերությունները Ռուսաստանի, Իրանի ու Սիրիայի հետ` կտրում է նահանջի ճանապարհը, ու այսպիսով շատ տրամաբանական է դառնում, որ հայ-թուրքական սահմանը պետք է բացվի»,- մանրամասնեց Ս. Գրիգորյանը:
Ս. Գրիգորյանը համոզված է, որ Թուրքիան ի վերջո կվավերացնի արձանագրությունները մեջլիսում, միևնույն ժամանակ կարծում է, որ հայ-թուրքական հարաբերությունների հարցում «մեր քաղաքականությունը շատ կոշտ պետք է լինի, և մենք ոչ մի դեպքում չենք կարող թույլ տալ Ղարաբաղյան հարցը կապել բանակցություններին»:
Ինչ վերաբերում է Հայաստանին ուղղված մարտահրավերնեին, ապա ըստ քաղաքագետի, դրանք սպասելի են մինչև ապրիլի 24-ը: Այս ժամանակահատվածում Ս. Գրիգորյանը կանխատեսեց նաև մի շարք պետությունների ու միջազգային կառույցների արտգործնախարանների ու ներկայացուցիչների այցելություններ:
«Մենք դառնում ենք մի պետություն, որի հետ հաշվի են նստում, իսկ 1920-ականներին ոչ մի արտգործնախարար չէր գալիս Հայաստան մեր դիրքորոշումը հարցնելու համար»,- ամփոփելով իր խոսքը` հայտնեց Ս. Գրիգորյանը:
14.01.2010, 19:54
No comments:
Post a Comment