Այս ձմեռ, հատկապես Արարատյան դաշտում, ամենասպասված հրաշքներից էր ամանորյա ձյունը, որն այդպես էլ չտեղաց: Դեռ գիշերվանից սկսված անձրևն էլ, կաթ-կաթ փաստում է, որ ձյան տեղալուն խանգարում է Հանրապետությունում գրանցվող բարձր ջերմաստիճանը:
Ինչպես տեղեկանում ենք Հայաստանի հիդրոօդերևութաբանության պետական ծառայությունից, Հանրապետությունում 0-ից ցածր ջերմաստիճան գրանցվում է միայն Շիրակի, Կոտայքի և Գեղարքունիքի մարզերում, Արագածոտնի և Վայոց Ձորի լեռնային շրջաններում: Ցածր ջերմաստիճանով էլ պայմանավորված` միայն այս մարզերում է, որ տեղումները ձյան տեսքով են:
Տեղեկացնենք նաև, որ այսօր Հանրապետության մյուս մարզերում ևս գրանցվում են տեղումներ, սակայն ձմեռային անձրևների տեսքով: Այստեղ ցերեկային ժամերին օդի ջերմաստիճանը կհասնի մինչև 12 աստիճանի:
Երևանում ցերեկը կգրանցվի 7-9 աստիճան տաքություն, իսկ երեկոյան ժամերին օդի ջերմաստիճանը կնվազի 2-3 աստիճանով: Օդի խոնավությունը 91 տոկոս է:
04.01.2010, 13:47
No comments:
Post a Comment