«Բաքվի դեպքերի, ինչպես նաև` 1905 թ-ի ու 1918 թ.-ի դեպքերի կազմակերպողները եղել են տեղի թուրքերը, տեղի մյուս ազգաբնակչությունը` թալիշները, լեզգիները, թաթարներն ու քրդերը եղել են հենց այն ադրբեջանցիները, ովքեր օգնել են հայերին»,- հայտարարեց քաղաքագետ, փիլիսոփայական գիտությունների թեկնածու Ալեքսանդր Մանասյանը:
Ա. Մանասյանը հայտնեց, որ բավականաչափ փաստեր կան պնդելու, որ «իրականում, Բաքվի իրադարձություններում ագրեսիվ զանգվածն այն զանգվածն է եղել, որ իրեն համարում է թուրք, իսկ փրկողները եղել են ծագումով ոչ թուրք ադրբեջանցիները»: Ըստ նրա, այդ ագրեսիվ զանգվածն ակտիվ էր ոչ միայն ջարդերն իրականացնելու գործում, այլև իրադարձությունների իրական ու քաղաքական կերպարը կեղծելու գործում:
«Ամենաբնորոշ ապացույցը Խոջալուն է, որտեղ ադրբեջանցիներն իրենք` Մութալիբովին իշխանությունից հեռացնելու համար, կոտորեցին իրենց իսկ մարդկանց, և հետո այդ դեպքը որակեցին իբրև ցեղասպանություն և վերագրեցին հայերին, որպեսզի կշեռքի նժարներին հավասարության նշան դրվի, հավասարության նշան` հայերի և ցեղասպան թուրքերի միջև»,- մանրամասնեց Ա. Մանասյանը:
Ա. Մանասյանն ավելի քան համոզված է, որ Արևելյան Անդրկովկասում և Հարավային Կովկասում ծավալված իրադարձությունների խորքի վրա միայն կարելի է դիտարկել Բաքվի կոտորածները, որին քաղաքական ճիշտ գնահատականներ տալու համար մեծ հետազոտություն պետք է անցկացնել: Նա ևս մեկ անգամ ընդգծեց, որ Բաքվի իրադարձությունները պատմական իրադրաձությունների շարքում հայտնված իրադարձություններն են, որոնք շարունակությունն են Թուրքիայի կողմից իրականացված Հայոց ցեղասպանության:
13.01.2010, 19:21
No comments:
Post a Comment