«Երբեմն խոսքերը քանդում են այն ամենը, ինչ ուզում ես ցույց տալ, խանգարում տեղ հասցնել քո ասելիքը, իսկ երբ ամեն ինչ նայում ես ու փորձում ես հասկանալ զգալով, ապա դա խոսքերից առավել է»,- երիտասարդ ռեժիսոր Դավիթ Էնֆենջյան Aysor-ի հետ զրույցում այսպես բացատրեց իր «Error» ֆիլմն առանց խոսքի նկարելու նպատակը:
Տեղեկացնենք, որ Դ. Էնֆենջյանի «Error» կարճամետրաժ ֆիլմը ներառված է «Ոսկե ծիրան» միջազգային 7-րդ կինոփառատոնի «Հայկական համայնապատկեր» մրցութային ծրագրում: Ռեժիսորն առաջին տարին չէ, որ մասնակցում է փառատոնին. անցած տարի նրա «Վթար» ֆիլմը ևս ցուցադրվել է փառատոնի շրջանակներում:
Ֆիլմը առաջին անգամ ցուցադրվում է Հայաստանում, այն չի մասնակցել որևէ այլ փառատոնի և չի ցուցադրվել արտերկրում, ինչը ռեժիսորի ցանկությունն է: Նրա խոսքերով` հայաստանյան պրեմիերայից հետո միայն այն կներկայացվի տարբեր երկրներում անցկացվող կարճամետրաժ ֆիլմերի փառատոներին:
«Ֆիլմն էքսպերիմենտալ է և, անկեղծ ասած, ես ունեմ կարծիքների կարիք»,- նշեց Դ. Էնֆենջյանն ու հավելեց, որ իր կարծիքով` փառատոնները հենց նրա համար են, որ երիտասարդ ռեժիսորները հասկական, թե ինչ ուղղությամբ են շարժվում, լսեն տարբեր կարծիքներ և կողմնորոշվեն իրենց ընտրության ու հետագա աշխատաոճի առումով:
Երիտասարադ հերոսի սիրո, աշխարհի հետ ունեցած հակասությունների ու պայքարի մասին պատմող ֆիլմը կարող եք դիտել նաև հուլիսի 15-ն, ժ. 17:00-ին` «Մոսկվա» կինոթատրոնի փոքր դահլիճում:
14.07.2010, 12:28
էսօր հենց էս մասին էի մտածում, գիտե՞ս: Մտածում էի եթե մի քիչ տաղանդ ունենայի, հաստատ «համր» ֆիլմ կնկարեի, հենց իմ սյուժեով, որովհետև էնքան բան կարող ենք ասել, բայց խոսքերը սահմանափակում են, իսկ այ միմիկան, շարժ ու ձևը, դրանք չունեն սահմաններ: Ափսոս, շատ ափսոս, որ չեմ իմացել ֆիլմի գոյության մասին, անպայման դեռ կնայեմ: :)
ReplyDeleteԱրմ, դու սյուժեները գրի, պահի, նկարենք :)))
ReplyDeleteԿարող ենք նույնիսկ ֆոտոապարատի վիդոյով նկարել, քանի որ հիմա շատ ու շատ փառատոներ էլ կան, որ չի կարևորվոմ որակը, այլ ասելիքն է կարևորվում:
Ինչի չփորձես, ո՞ր ... ;)
Ինչ վերաբերում է Դավիթի ֆիլմին, ես հուսով եմ, որ կունենամ այդ ֆիլմը, ու կտամ, դու էլ կնայես:
Լիլ ջան սցենարները կամաց-կամաց պատրաստվում են, լօլ, անպայման կնկարենք :love Իսկ այ Error-ին անհամբեր կսպասեմ :* :*
ReplyDelete